ევროპული საქართველოს ერთ-ერთი ლიდერი, დავით ბაქრაძე აცხდებს, რომ ამერიკის შეერთებული შტატების სტრატეგიული პარტნიორი საქართველოა და არა ქართული ოცნება. ასე ეხმაურება დეპუტატი პრემიერმინისტ გახარიას განცხადებას, რომ ნატო-სთან დაკავშირებით ადამ კინზინგერის განცხადება ხელისუფლების მიერ პარტნიორებთან ურთიერთობის გაღრმავების შედეგია.

"ბატონ გახარიას არ ემახსოვრება, ის ამ დროს მოსკოვში საქმიანობდა, მაგრამ თუ გადახედავს 8-10-12 წლის წინანდელ განცხადებებს და რეზოლუციებს კონგრესიდან, დაინახავს, რომ აშშ-ს კონგრესი ყოველთვის იყო საქართველოს მთავარი მხარდამჭერი NATO-ში გაწევრიანების პროცესში. დღევანდელი ხელისუფლების "დამსახურება" არის ის, რომ საქართველოს მიმართ აშშ-ს კონგრესს გააჩნია ისეთი კითხვები, რომელიც არ ჰქონდა არასდროს. დიახ, საქართველო რჩება ამერიკის სტრატეგიულ პარტნიორად, დიახ, ქართველი ხალხი იმსახურებს NATO-ში გაწევრიანებას, მაგრამ ხელისუფლებამ და ქართულმა ოცნებამ "მოახერხა", რომ დღეს კონგრესი პირობით გვიჩერებს ქართველი ხალხისთვის გამოსაყოფ დახმარებას", — განაცხადა დავით ბაქრაძემ.

ამერიკელმა კონგრესმენმა, საქართველოს მეგობართა ჯგუფის თანათავმჯდომარე ადამ კინზინგერმა გუშინ, 7 აგვისტოს თქვა, რომ დრო დადგა საქართველო ნატო-ს სრულუფლებიანი წევრი გახდეს.

დღეს კი ამ განცხადებას პრემიერმინისტრი გახარია გამოხემაურა და თქვა, რომ მსგავსი განცხადებები ბოლო დროს სტრატეგიულ პარტნიორებთან ურთიერთობების გაღრმავების შედეგია.