ევროპული საქართველოს ერთ-ერთი ლიდერი, გიგი უგულავა აცხადებს, რომ ქართულმა ოცნებამ ქვეყანა თითქმის ორჯერ გააღარიბა და ამ ფონზე პრემიერმინისტრის დღევანდელი განცხადება კომპენსაციების შესახებ ფარისევლობა და ტყუილია.

"გახარიას ვითომ წყალობა არის ფარისევლობა, ტყუილი და ერთადერთ რამეს მიანიშნებს. ხალხნო, თუ გინდათ ასეთ, პირდაპირ ვთქვათ, ღორ მთავრობას გააგდებინოთ კაკალი, ზუსტად ესე, მთელი წლის მანძილზე, როგორც სახრეს ურტყმდით, აი ესე უნდა გააგრძელოთ მანამ, სანამ არ გადავირჩევთ. ეს მთავრობა სხვაზე არ რეაგირებს. ამიტომ გამოართვით ყველას ყველაფერი, იმიტომ, რომ ეს გეკუთვნით თქვენ და არა გახარიას და ივანიშვილს", — განაცხადა გიგი უგულავამ.

დღეს, 6 აგვისტოს, ცნობილი გახდა, რომ კორონავირუსის პერიოდში მოქალაქეების კომპენსაციის ფარგლებში 200-ლარიან ერთჯერად დახმარებას მიიღებს 17 ასაკის წლამდე ყველ ბავშვი, გახანგრძლივდება კომუნალური გადასახადების პროგრამა, კომპენსაციას მიიღებენ ის თვითდასაქმებულებიც, რომლებსაც არასრული დოკუმენტაცია ჰქონდათ და ასევე, სოციალურად დაუცველ სტუდენტებს ერთი სემესტრის სწავლის საფასური აუნაზღაურდებათ.

გიორგი გახარიამ მთავრობის სხდომის შემდეგ გამართულ ბრიფინგზე განაცხადა, რომ ამ ინიციატივას არჩევნებთნ კავშირი არ აქვს და მოსალოდნელი იყო ოპოზიციის მხრიდან ამით სპეკულირება.

მისივე განცხადებით, "შევდივართ გრძელვადიან, ღრმა ეკონომიკურ კრიზისში". მისივე თქმით, თუ ასე გაგრძელდა, მომავალი წლის დასაწყისში კიდევ ერთი სოციალური პაკეტის გამოცხადება მოუწევთ