TV პირველის ინფორმაციით, ქობულეთში ერთ-ერთ მარკეტში ქართული ოცნების კოორდინატორები მოსახლეობის ნაწილს, სავარაუდოდ, საარჩევნო ხმების სანაცვლოდ, ბოსტნეულს ურიგებენ.

ჟურნალისტის კითხვას იქ შეკრებილებმა არ უპასუხეს. ტელეკომპანიის ინფორმაციით, ვითარება იმდენად დაიძაბა, რომ პოლიციის გამოძახება გახდა საჭირო.

TV პირველის ჟურნალისტის თქმით, ქართული ოცნების მხარდამჭერები გადამღებ ჯგუფს სიტყვიერ შეურაცხყოფას აყენებდნენ და ფიზიკური შეურაცხყოფითაც იმუქრებოდნენ.

On.ge დაუკავშირდა ქართული ოცნების პრესსამსახურს, სადაც ბოსტნეულის დარიგების შესახებ ინფორმაციას არ ადასტურებენ.