პარტია ქართული ოცნება-დემოკრატიული საქართველოს თავჯდომარედ დელეგატებმა საქართველოს პრემიერ მინისტრი გიორგი კვირიკაშვილი ერთხმად აირჩიეს.

კვირიკაშვილმა პარტია ქართული ოცნება-დემოკრატიულ საქართველოდ მადლობა გადაუხადა იმ ნდობისათვის, რომელიც მან მას გამოუცხადა. პრემიერის თქმით, მისთვის მმართველი პარტიის თავჯდომარეობა უდიდესი პასუხისმგებლობა და გამოწვევაა:

"ჩემი კოლეგების, თანამოაზრეების და თანაგუნდელების გულწრფელი მხარდაჭერა და ნდობა ასმაგად აძლიერებს ჩემს პასუხისმგებლობას. მზად ვარ ვემსახურო ჩემს სამშობლოს და ყველაფერი გავაკეთო ჩემი ქვეყნის წინსვლისა და განვითარებისათვის".

კვირიკაშვილმა აღნიშნა, რომ მისთვის დიდი პატივია, იყოს იმ პარტიის თავჯდომარე, რომელიც საქართველოს უახლესი ისტორიის ერთ-ერთ ყველაზე მძიმე დროს შეიქმნა და გარდამტეხი როლი შეასრულა სახელმწიფოს განვითარების გზაზე:

"მინდა დიდი მადლობა გადავუხადო ბატონ ბიძინა ივანიშვილს, ქართული ოცნების დამფუძნებელს და მის პირველ თავჯდომარეს, რომელის შექმნილმა პოლიტიკურმა ძალამ მოახერხა და მშვიდობიანად, არჩევნების გზით შეცვალა ხელისფულება. ასეთი პრეცედენტი საქართველოს მანამდე არ ჰქონია".