თბილისის მერიის ინფორმაციით, გეგმიური პროფილაქტიკური სამუშაოების გამო, ბარათაშვილის ხიდზე მოძრაობა ნაწილობრივ შეიზღუდება. შეზღუდვა პირველი აგვისტოდან 16 აგვისტოს ჩათვლით გაგრძელდება.

"წლიური ხელშეკრულების მიხედვით, კონტრაქტორი კომპანია თბილისში არსებული ხიდებისა და გზაგამტარების შემოწმებას, მათი მდგომარეობის შესწავლას და დაზიანების შემთხვევაში აღდგენას ახდენს. აღნიშნული კონტრაქტის ფარგლებში, ბარათაშვილის ხიდზე სადეფორმაციო ნაკერების რეაბილიტაცია იწყება", — განმარტავენ მერიაში.

ბარათაშვილის ხიდი რამდენჯერმე იყო გადაკეტილი რეაბილიტაციისა და სხვადასხვა მიზეზის გამო.