დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

28 ივლისისთვის საქართველოში კორონავირუსის კიდევ 8 ახალი შემთხვევა გამოვლინდა, 5 ადამიანი კი გამოჯანმრთელდა. ინფორმაცია ამის შესახებ StopCov-ის ვებგვერდზე განახლდა.

ინფექციური საავადმყოფოს დირექტორის, მარინა ეზუგბაიას განცხადებით, ამ შემთხვევებიდან 1 წყარო არის ლილოს ბაზრობა, 1 გაჩიანი კლასტერს ეკუთვნის, 1 დაავადებულთან კონტაქტია, 4 არის იმპორტირებული შემთხვევა, 2 სატვირთო მანქანის მძღოლი და 1 სამედიცინო პერსონალია.

მისივე თქმით პაციენტების ზოგადი მდგომარეობა დამაკმაყოფილებელია

"პაციენტების მდგომარეობას რაც შეეხება, ორი მძიმე პაციენტი გვყავს, რომელთა მდგომარეობა გაუმჯობესებულია. დანარჩენი პაციენტების მდგომარეობა საშუალო და საშუალოზე მსუბუქია", — განაცხადა ეზუგბაიამ.

განახლებული სტატისტიკით, კორონავირუსის დადასტურებული შემთხვევები 1 145-მდე გაიზარდა, მათ შორის, გამოჯანმრთელებულია 927 ადამიანი, გარდაცვლილი — 16. კარანტინის რეჟიმში 6 459 პირი რჩება, სტაციონარში მეთვალყურეობის ქვეშ კი 353 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: