გაერთიანებული სამეფოს ელჩი, ჯასთინ მაკენზი სმიტი საქართველოს გამოსამშვიდობებელ ვიდეოს აქვეყნებს და ქართულად საუბრობს. იგი აღნიშნავს, რომ ოთხი წლის განმავლობაში, საქართველოში დიდი ბრიტანეთის ელჩად ყოფნა მისთვის უდიდესი პატივი იყო.

"ეს იყო ჩემი ცხოვრების ერთი შესანიშნავი 4 წელი. ყველას დიდი მადლობა, მთელ ქვეყანას ასეთი გულთბილი მიღებისთვის და უშურველი მასპინძლობისთვის. საქართველოს და, საერთოდ ქართველ ხალხს, მუდამ ექნება განსაკუთრებული ადგილი ჩემს გულში. მე, როგორც დიდი ბრიტანეთის ელჩმა, თავი არ დავზოგე, შევეცადე და ყველაფერი გავაკეთე ქართველი და ბრიტანელი ხალხის უკეთესი მომავლისთვის, რადგან, როგორც შოთა რუსთაველი იტყოდა, რასაცა გასცემ შენია, რაც არა — დაკარგულია".

ჯასტინ მაკენზი სმიტს ელჩის პოსტზე 2020 წლის აგვისტოდან მარკ კლეიტონი შეცვლის. საელჩოს ცნობით, ჯასტინ მაკენზი სმიტი სხვა ქვეყნის დიპლომატიურ სამსახურში გააგრძელებს საქმიანობას. ახალი ელჩი საქართველოში 2020 წლის აგვისტოში ჩამოვა.