ყველა იმ პირს, რომელიც 2018 წლის 10 აპრილამდე კომპანია სითი პარკმა დააჯარიმა, სანქციები გაუუქმდება. ამის შესახებ თბილისის მერმა, კახა კალაძემ დედაქალაქის მთავრობის სხდომაზე ისაუბრა.

კალაძის თქმით, იმ მოქალაქეებს, რომელთა ჯარიმები ჯერ არ იყო აღსრულებული, ჯამში, დაახლოებით მილიონამდე ლარის ჯარიმა ჩამოეწერებათ.

შეგახსენებთ, რომ 2018 წლის 10 აპრილიდან კომპანია სითი პარკთან ხელშეკრულება შეწყდა. მერის განმარტებით, ამის ერთ-ერთი მთავარი მიზეზი მოქალაქეების არასწორი დაჯარიმება იყო.