მარველის ახალი სერიალი The Falcon and The Winter Soldier აგვისტოში Disney Plus-ზე აღარ გამოვა, როგორც ეს მანამდე იყო დაანონსებული.

Marvel Studios გადაღებულ პირველ სერიალში, რომელიც Marvel Cinematic Universe-ის ნაწილია, მთავარ როლებს ენტონი მაკი და სებასტიან სტანი ასრულებენ. მათი პერსონაჟების, სემ უილსონისა და ბაკის, ამბავი Avengers: Endgame-ის მოვლენებიდან გრძელდება, სემი კი ფარს იღებს და ახალი კაპიტანი ამერიკა ხდება.

მას შემდეგ, რაც გამოცხადდა, რომ Disney Plus-ისთვის MCU-ს სერიალები იქმნებოდა, ფანებს ერთი სული ჰქონდათ, ენახათ, რა ამბავზე მოგვითხრობდა The Falcon and The Winter Soldier. კევინ ფეიგის თქმით, ახალი სერიალები MCU-ს მიმდინარე ამბავთან მჭიდრო კავშირში იქნება და მეორეხარისხოვან პერსონაჟებს თავის გამოჩენის შანსს მისცემს.

ფოტო: Marvel

ამ წლის დასაწყისში დადასტურდა, რომ The Falcon and The Winter აგვისტოში გამოვიდოდა, თუმცა ეს კორონავირუსის პანდემიამდე მოხდა. ახლა უკვე ცნობილია, რომ სერიალს დისნეიზე დაგეგმილ დროს ვერ ვიხილავთ — დღეს დისნეიმ გამოაცხადა, თუ რომელი ფილმები და სერიალები გამოვა Disney Plus-ზე აგვისტოში და ამ სიაში The Falcon and The Winter Soldier ვერ მოხვდა.

ჯერჯერობით გაურკვეველია, როდის ვიხილავთ მარველის სერიალს, თუმცა ეს განცხადება გასაკვირი არაა, რადგან გადაღებები თვეების განმავლობაში იყო შეჩერებული და უცნობია, როდის განახლდება ისინი. ოფიციალური ცნობით, სერიალის დასასრულებლად გადაღებების ცხრა დღეა დარჩენილი და ის Disney Plus-ის 2020 წლის შემოდგომის პრემიერების სიაში ჯერ კიდევ შეყვანილია. ეს იმის იმედს იძლევა, რომ The Falcon and The Winter Soldier-ს ნოემბრის ბოლოს მაინც ვიხილავთ, თუმცა ამის დამადასტურებელი ოფიციალური ინფორმაცია ჯერ არ გაჟღერებული.