განათლების კომიტეტის თავმჯდომარემ, მარიამ ჯაშმა ჟურნალისტებთან საუბრისას განაცხადა, რომ ის 5 დეკემბერს აუდიტორია 115-ის წევრებსა და თსუ-ს სტუდენტური თვითმმართველობის წარმომადგენლებს შეხვდა და ის მხარს უჭერს სტუდენტების თანასწორობას:

"პრინციპულად ვეთანხმები, სტუდენტების თანაბარი უფლებების გარანტიებს, როგორც საბჭოებში არჩევის პროცესში, ასევე ფინანსურ რესურსებთან წვდომასთან დაკავშირებით, მაგრამ აღნიშნული ცვლილება ახდენს გავლენას მენეჯმენტის სტრუქტურებზე და დღეს არსებულ სისტემებზე. ჩვენ აუცილებლად უნდა შევქმნათ პრეცედენტი, რომ ნებისმიერი საკანონმდებლო ცვლილება და ინიციატივა დაეფუძნება როგორც საერთაშორისო გამოცდილებას, ისე მყარ არგუმენტაციას და იქნება შესაბამისობაში საქართველოს კონტექსთან ყველაზე ოპტიმალური გადაწყვეტილების კუთხით, როგორც თვითმმართველობის სტრუქტურიდან, ასევე დაფინანსების თემებთან დაკავშირებით. ამ პროცესის ხელშესაწყობად მე მომზადებული მაქვს 5 ბლოკად 12 კითხვა, რომელიც გადავეცი სტუდენტებს და ველოდები მომდევნო კვირის ბოლომდე მათ დეტალურ ანალიზსა და საფუძვლიან არგუმენტაციას და ეს იქნება საფუძველი, რომ ჩვენ დავიწყოთ საკანონმდებლო ინიციატივის პროცედურულად განხილვა".

მოძრაობა აუდიტორია 115-ს უკვე ორ კვირაზე მეტია დაკავებული აქვს თსუ-ს მეექვსე კორპუსი. ისინი ხელისუფლებისგან უნივერსიტეტში თვითმმართველობის რეფორმის გატარებას მოითხოვენ.