ბათუმში თავისუფლების უკანონოდ აღკვეთისა და ჯგუფურად ძალადობის ბრალდებით ხუთი პირი დააკავეს. მათ 2-დან 10 წლამდე თავისუფლების აღკვეთა ემუქრებათ.

გამოძიების მტკიცებით, ბრალდებულებმა შურისძიებისთვის დაზარალებული მანქანაში ძალით ჩასვეს და ოზურგეთის მუნიციპალიტეტის სოფელ ბოხვაურში, ერთ-ერთი მოქალაქის სახლში წაიყვანეს, სადაც მას ფიზიკურად გაუსწორდნენ.

გამოძიება სისხლის სამართლის კოდექსის 143-ე მუხლის მესამე ნაწილის "ა" ქვეპუნქტით და 126-ე მუხლის პირველი პრიმა ნაწილის "ბ" ქვეპუნქტით მიმდინარეობს, რაც თავისუფლების უკანონო აღკვეთასა და ჯგუფურად ჩადენილ ძალადობას გულისხმობს.