ქართული ოცნების წევრი, რატი იონათამიშვილი ამბობს, რომ ქართული ოცნების სიაში მოსახვედრად მნიშვნელოვანია, რომ ადამიანს დასავლური ღირებულებები ჰქონდეს. მისი თქმით, თუ ვინ იქნება პარტიის საარჩევნო სიაში, ამაზე საუბარი ჯერ ნაადრევია.

"რაც შეეხება სიას, ჩვენთვის მნიშვნელოვანია შემდეგი კომპეტენციები: იყოს პროფესიონალი, კეთილსინდისიერი ადამიანი და ასევე მას ჰქონდეს დასავლური ღირებულებები. რაც შეეხება პერსონალიებს, ვფიქრობ, რომ ახლა არასერიოზული იქნება ამაზე საუბარი. თავის დროზე საზოგადოება ყველაფერს გაიგებს", — განაცხადა TV პირველთან რატი იონათამიშვილმა.