ქუთაისში ცხელების ცენტრის მედპერსონალმა ხელფასების აღების მოთხოვნით აქცია გამართა. მთავარ არხთან საუბრისას ექიმები აცხადებენ, რომ რამდენიმე თვეა სხვადასხვა საკარანტინო სივრცეში უხელფასოდ მუშაობენ და ჯანდაცვის სამინისტროს მათ მოთხოვნაზე რეაგირება არ აქვს.

"მეორე ეტაპს რომ იძახიან და მეორე ტალღას, მე როგორ ვიმუშაო, ჩემი ოჯახი, ჩემი შვილები როგორ მივატოვო და ამ პირობებში როგორ წავიდე. ჯანდაცვის ცხელ ხაზზე რამდენჯერ დავრეკე, არანაირი რეაქცია არ აქვთ, ჯანდაცვის მინისტრს ფეისბუქგვერზე მივწერე, ნუთუ არ ვჭირდებით", — თქვა აქციის ერთ-ერთმა მონაწილე ექთანი ელისო ზურაბიანი-ჩხეიძე.

მთავარ არხთან ექიმები ამბობენ, რომ თუ მათ ხელფასი უახლოეს დღეებში არ ჩაერიცხებათ, გაიფიცებიან ან აქციებს გააგრძელებენ.