თბილისში, აღმაშენებლის გამზირზე, მიხეილ თუმანიშვილის სახელობის კინომსახიობთა თეატრის წინ, ქართული კინოს ვარსკვლავის, ნატო ვაჩნაძის ძეგლი მიმდინარე წლის 21 დეკემბრამდე დაიდგმება.

თბილისის მერიამ ხელშეკრულება მონუმენტის აღმართვაზე ნოემბერში გააფორმა.

ნატო ვაჩნაძის ბრინჯაოს მონუმენტი 2,20 მეტრის სიმაღლის იქნება და მისი დამზადება–დადგმა დედაქალაქს 68 145 ლარი დაუჯდება. მონუმენტს მოქანდაკე, ლევან ვარდოსანიძე ამზადებს.

ნატო ვაჩნაძე საბჭოთა კავშირში ცნობილი კინოვარსკვლავი იყო, ის არის რეჟისორების, ელდარ და გიორგი შენგელაიების დედა. ნატო ვაჩნაძე 1953 წელს, მოსკოვიდან თბილისში მგზავრობის დროს, ავიაკატასტროფაში დაიღუპა.