ფინანსთა მინისტრის, ვანო მაჭავარიანის განცხადებით, კორონავირუსის კომპენსაციას იოლად ვერ გასცემენ და ბიუჯეტის ხარჯვას თავისი პრინციპი აქვს. როგორც მან პარლამენტში ჟურნალისტებს განუცხადა, კომპენსაციის მიღების პრინციპი თვითდასაქმებულებისთვის გაადვილებულია.

"დღეს, მაგალითად, ერთ-ერთმა დეპუტატმა თქვა, რომ გაურთულეთო, ზედმეტ საბუთებს ითხოვთო, ბიუროკრატია გაართულეთ, რომ არ მიიღონო. პირიქით პროცესია. პირველადთან შედარებით დადგენილება რომ იყო, ასეთ სლენგს ვიხმარ, "გალაითდა" პირობები, გაადვილდა. ჩვეულებრივად, არანაირი საბუთით, უბრალოდ მოვიდა და დედა დაიფიცა, ამაზე ვერ გავცემთ ფულს ასე იოლად. ეს არის გადასახადის გადამხდელის ფული და ბიუჯეტს ხარჯვის თავისი პრინციპები აქვს", — აღნიშნა მაჭავარიანმა.