ფრაქცია დამოუკიდებელი დეპუტატების წევრი მარიამ ჯაში აცხადებს რომ მათი მხრიდან საკონსტიტუციო ცვლილებებს გარანტირებული აქვს შვიდი ხმა.

"ჩვენ დავაკვირდებით, რეალურად არსებობს თუ არა პოლიტიკური ნება ქართულ ოცნებაში, რომ მოხდეს საკონსტიტუციო ცვლილების ბოლომდე მიყვანა", — განაცხადა მან ჟურნალისტებთან საუბრისას.

დღეს, 19 ივნისს პარლამენტში იურიდიულ კომიტეტთა სხდომაზე საარჩევნო ცვლილებებს განიხილავენ. 21 ივნისს კი მას პლენარულ სხდომაზე გაიტანენ.

ოპოზიცია ისევ ბოიკოტის რეჟიმშია, ამიტომ განხილვის საგანი გახდა, ეყოფა თუ არა ცვლილებების მიღებას ხმები. მმართველ გუნდში აცხადებენ, რომ მათი ერთი წევრის გარდა, ყველა დაუჭერს მხარს კანონპროექტს.