საქართველოს პროკურატურის განცხადებით, ჩეხეთიდან ექსტრადირებული იქნა 12 წლის სალომე ტატიშვილის გაუფრთხილებლობით სიცოცხლის მოსპობისთვის მსჯავრდებული, ძებნილი პირი. როგორც უწყებაში აცხადებენ, მსჯავრდებული ინტერპოლით ძებნილი იყო.

პროკურატურის ინფორმაციით, 2016 წლის იანვარში გუდაურში ე.წ კუდები 3 მსჯავრდებულმა კაცმა უგულებელყო წინდახედულობის ნორმები, არ გაუწია კონტროლი თავის მოძრაობას, არ შეუფარდა სრიალის სიჩქარე და მანერა არსებულ პირობებს და გარემოს, არ შეარჩია წინა მოსრიალისთვის უსაფრთხო მარშრუტი და დისტანცია და უკნიდან, დიდი სისწრაფით შეეჯახა იმავე სასრიალო ტრასაზე მოსრიალე 12 წლის სალომე ტატიშვილს, რომელიც შეჯახების შედეგად მიღებული დაზიანებების გამო ადგილზე გარდაიცვალა.

უწყებაში ამბობენ, რომ ძებნილი პირი ჩეხეთის სამართალდამცავებმა დააკავეს, რის შემდეგაც საქართველოს პროკურატურამ მისი ექსტრადირების შუამდგომლობით მიმართა.