14 მდგომარეობით მსოფლიოში:

  • დადასტურებული შემთხვევა — 7 845 048;
  • გარდაცვლილი — 431 269;
  • გამოჯანმრთელებული — 3 735 354.

საქართველოში:

  • დადასტურებული შემთხვევა — 864;
  • გამოჯანმრთელებული — 703;
  • გარდაცვლილი — 14;
  • კარანტინის რეჟიმში — 2 795;
  • სტაციონარში — 252;
  • უცხოეთიდან სამკურნალოდ გადმოყვანილი საქართველოს მოქალაქეები — 3.

კვირის ფაქტი:

კორონავირუსის ასიმპტომური გავრცელების შემთხვევები "ძალიან იშვიათია" — WHO

ფოტო: Anadolu Agency / Anadolu Agency / Getty Images

კორონავირუსით უსიმპტომოდ დაავადებული პაციენტები ვირუსის გავრცელებაში დიდ როლს არ თამაშობენ, აცხადებს ჯანდაცვის მსოფლიო ორგანიზაცია. ეს განცხადება ეჭვქვეშ აყენებს იმ მკლევართა მოსაზრებებს, რომლებიც მიიჩნევდნენ, რომ ვირუსის შეჩერება სწორედ ასიმპტომური შემთხვევების გამო იქნებოდა განსაკუთრებით რთული.

ზოგიერთი ადამიანი, განსაკუთრებით ახალგაზრდები და სხვა მხრივ ჯანსაღი ინდივიდები, კორონავირუსის შეყრისას სიმპტომებს ან საერთოდ არ ავლენს, ან — ძალიან მსუბუქად. ზოგი კი ინფიცირებიდან მხოლოდ რამდენიმე დღის შემდეგ ხდება სიმპტომური.

ვირუსის პირველი აფეთქებების პერიოდში შეგროვებული მონაცემები იმაზე მიუთითებდნენ, რომ COVID-19 პირდაპირი კონტაქტისას ადამიანიდან ადამიანზე მაშინაც გადადიოდა, თუ ინფიცირებულს სიმპტომები არ ჰქონდა. მაგრამ ახლა WHO აცხადებს, რომ, მართალია, ვირუსის ასიმპტომური ინფიცირებულიდან სხვა პირზე გადადება შესაძლებელია, მაგრამ ეს დაავადების გავრცელების მთავარ გზას არ წარმოადგენს.

რა ხდება მსოფლიოში:

ევროპის ბევრ ქვეყანაში შეზღუდვები ნელ-ნელა იხსნება, ამავე დროს, იცვლება პანდემიის ეპიცენტრიც.

ინფიცირების მაჩვენებელი უკვე 7,8 მილიონზე მეტია. შემთხვევების რაოდენობით პირველ ადგილზე კვლავ აშშ-ია, სადაც დადასტურებულმა შემთხვევებმა 2 მილიონს გადააჭარბა. მეორე ადგილზე არის ბრაზილია — 850 514 შემთხვევა და მესამეზეა რუსეთი — 528 267. შემდეგ უკვე მოდის ინდოეთი, დიდი ბრიტანეთი, ესპანეთი, იტალია, პერუ, საფრანგეთი, გერმანია და ა.შ.

8 ივნისს ახალ ზელანდიაში განაცხადეს, რომ აქტიური შემთხვევა აღარ ჰქონდათ და სასაზღვრო შეზღუდვის გარდა ყველა შეზღუდვას ხსნიან. ახალი ზელანდია პირველი ქვეყანაა, რომელმაც მსგავსი ნაბიჯი გადადგა.

სხვა სიახლეები:

მნიშვნელოვანი სამეცნიერო სიახლე:

COVID-19-ის სამი ვაქცინა ტესტირების საბოლოო ფაზაზე გადავიდა

ფოტო: University of Maryland School of Medicine / AP

ზაფხულის განმავლობაში აშშ კორონავირუსის პოტენციური ვაქცინების კვლევის მესამე ფაზას დააფინანსებს. დაფინანსება ვაქცინის შემქმნელ სამ კანდიდანტს ერგო, აქედან თითოეული მათგანი საკუთარ ვაქცინას დაახლოებით 30 ათას მონაწილეზე გამოცდის. მონაწილეების ნახევარი ვაქცინას მიიღებს, ნახევარი კი პლაცებოს.

Moderna-ს ვაქცინა გამოცდის მესამე ფაზას ივლისში დაიწყებს, მოგვიანებით კი იმავე პროცესს გაივლიან AstraZeneca და Johnson & Johnson. როგორც წესი, მესამე ფაზამდე მისაღწევად წლებია საჭირო, თუმცა კორონავირუსის ვაქცინაზე მუშაობა ბევრად სწრაფად მიმდინარეობს.

რა ხდება საქართველოში:

8 ივნისიდან გარკვეული შეზღუდვები მოიხსნა. ეკონომიკური საქმიანობებიდან, რესტორნებში შესაძლებელი გაიხსნა ყველა სახის მომსახურეობა; ასევე, ამუშავდა ის სასტუმროები, რომლებსაც გავლილი აქვთ ჯანდაცვის სამინისტროს შემოწმება. საქალაქთაშორისო ტრანსპორტმაც მუშაობა დაიწყო.

ბოლო ერთ კვირაში საქართველოში კორონავირუსის 55 ახალი შემთხვევა გამოვლინდა. შემთხვევების ზრდის მიუხედავად დაავადებათა კონტროლის ცენტრში გვამშვიდებენ, რომ შეზღუდვების დაბრუნება საჭირო არ იქნება. ამავე დროს, ხელისუფლებისა და სამედიცინო სფეროს წარმომადგენლები მოგვიწოდებენ, რომ კვლავ დავიცვათ სოციალური დისტანცია და ვატაროთ პირბადე.

ამასთან, პარლამენტმა მიიღო კანონი, რომლითაც დახურულ საჯარო სივრცეებში პირბადის ტარება სავალდებულო ხდება. წესების დარღვევის შემთხვევაში კი ფიზიკური პირი 20 ლარით, ხოლო იურიდიული პირი 500 ლარით დაჯარიმდება. როგორც იურიდიულ საკითხთა კომიტეტის თავმჯდომარე ანრი ოხანაშვილმა განაცხადა, პირბადეების ტარების შესახებ კანონს გამოიყენებენ მხოლოდ მას შემდგომ, როდესაც მთავრობა პირბადის ტარებასთან დაკავშირებით წესს გაწერს.

ამ კვირაში კიდევ ერთი რეგულაცია ამ შემთხვევაში აბიტურიენტებს შეეხებათ. გამოცდის დროს აბიტურიენტები ვალდებული იქნებიან პირბადე ატარონ. ამასთან, არ იქნება საგამოცდო ცენტრებში არ იქნება კონდიცირება. რეგისტრაციის დროს აბიტურიენტებს თერმოსკრინინგის გავლა მოუწევს.

სხვა მნიშვნელოვანი ამბები:

ერთად თავმოყრილი რეკომენდაციები