მოჩვენებებიანი სახლების შესახებ არაერთი საშიში ფილმი გვინახავს, თუმცა რეჟისორი დევიდ კეპი თავისი ახალი ფილმით აპირებს, რომ ამ ჟანრის ერთგული მაყურებლებიც კი გააოცოს.

You Should Have Left — ასე ჰქვია ახალ მისტიკურ ჰორორს, რომელშიც მთავარ როლებს Crazy, Stupid, Love-ის, Apollo 13-სა და I Love Dick-ის მსახიობი კევინ ბეიკონი და Mean Girls-ისა და Mamma Mia!-ს ვარსკვლავი ამანდა სეიფრიდი ასრულებენ.

რამდენიმე საათის წინ ფილმის პირველი ტრეილერი გამოაქვეყნდა:

ფილმის ოფიციალურ აღწერაში ვკითხულობთ:

"თეო (კევინ ბეიკონი) წარმატებული შუა ხნის ასაკის კაცია, რომლის ქორწინებაც მასზე ახალგაზრდა მსახიობ ცოლთან, სუზანასთან ეჭვიანობის, საიდუმლოებებისა და წარსულის აჩრდილის გამო ნელ-ნელა ინგრევა. ურთიერთობის გასაუმჯობესებლად წყვილი თანამედროვე, შთამბეჭდავ და განცალკევებულ სახლში დასვენებას გადაწყვეტს ექვსი წლის შვილთან ერთად. მალევე ერთი შეხედვით იდეალური სახლი თავის სტუმრობს ცხოვრებას იდეალურ კოშმარად გადაუქცევს".

You Should Have Left გერმანელი მწერლის დენიელ კელმანის 2017 წელს გამოქვეყნებული ამავე სახელწოდების მქონე რომანის მიხედვით გადაიღეს, რომელსაც ხშირად ადარებენ სტივენ კინგის საკულტო წიგნს ნათება.

ახალი კინოსურათი Jurassic Park-ის, Panic Room-ისა და Mission: Impossible-ის სცენარისტმა, დევიდ კეპმა გადაიღო. პროდიუსერი კი ჯეისონ ბლუმია, რომელიც მანამდე წელს გამოსული კიდევ ერთი გახმაურებული ფილმზე The Invisible Man მუშაობდა.

ამ ყველაფრის გათვალისწინებით, თამამად შეგვიძლია ვთქვათ, რომ საშინელებათა ჟანრის მოყვარულებს წინ საინტერესო სანახაობა ელოდებათ, რომლის პრემიერაც 19 ივნისსაა დაგეგმილი.