37 წლის ამერიკელმა მსახიობმა, ელიზაბეტ მოსმა სერიალ Handmaid's Tale-ში შესრულებული როლით მოახერხა და ერთ-ერთი ყველაზე დასამახსოვრებელი გმირი შექმნა სატელევიზიო შოუების ისტორიაში.

თუ ეს სერიალი გინახავთ, აუცილებლად გემახსოვრებათ ჯუნ ოსბორნის მზერა, რომელიც არა მარტო გილიადას, არამედ მაყურებელსაც შიშის ზარს სცემს.

2019 წელს ელიზაბეტ მოსმა ჯორდან პილის საშინელებათა ჟანრის ფილმში Us კიდევ ერთი საინტერესო და შემზარავი როლი შეასრულა.

სულ ცოტა ხნის წინ კი ახალი ფილმის ტრეილერი გამოვიდა, სადაც მსახიობი მთავარ როლს ასრულებს და მის ირგვლივ კვლავ საშიში, მისტიკური და დაძაბული სიუჟეტი ვითარდება.

The Invisible Man - ასე ჰქვია ფილმს, რომლის სცენარიც ჰერბერტ უელსის ამავე სახელწოდების (უჩინარი კაცი) მქონე ცნობილი წიგნის მიხედვით დაიწერა. წიგნის პირველი ეკრანიზაცია 1933 წელს გადაიღეს და ეს ფილმი მისი ერთგვარი რიმეიქი იქნება.

ახალი კინოსურათის რეჟისორი ლი უონელია, რომელსაც მანამდე ისეთი ცნობილი საშინელებათა ჟანრის ფილმების სცენარებზე უმუშავია, როგორებიცაა Saw (2004), Dead Silence (2007) და Insidious (2010).

როგორც ჩანს, ელიზაბეტ მოსს უკვე მოსწონს ამ ჟანრში მუშაობა, რაც მხოლოდ მისასალმებელია, რადგან ჟანრული კინო ნამდვილად ვერ დაიკვეხნის ოსტატური სამსახიობო შესრულების ფუფუნებით.

The Invisible Man-ის პრემიერა 2020 წლის 8 თებერვალს შედგება.

ასევე იხილეთ: