დაავადებათა კონტროლის ეროვნული ცენტრის დირექტორის მოადგილის, პაატა იმნაძის თქმით, საზოგადოება კორონავირუსთან დაკავშირებით კლიმატის ნაცვლად წესების დაცვის იმედზე უნდა იყოს. ამ თემაზე მან მთავრობის ბრიფინგზე ისაუბრა.

"მოდით ესე ვთქვათ, ახლა ზაფხულია, ხომ?! ცხელა, ჩვენ მეზობელ ქვეყნებშიც ზაფხულია და ცხელა, მიუხედავად ამისა, ვხედავთ რა ხდება, აქედან გამომდინარე, კლიმატის იმედზე ძალიან ნუ ვიქნებით და უფრო ვიყოთ იმ წესების დაცვის იმედზე, რომელმაც აქამდე მოგვიყვანა", — თქვა პაატა იმნაძემ.

ბოლო მონაცემებით, ქვეყანაში სულ დადასტურებულია კორონავირუსის 810 შემთხვევა, მათ შორის გამოჯანმრთელებულია 683 ადამიანი, ხოლო გარდაცვლილია — 13. კარანტინის რეჟიმში 2 915 პირი რჩება, სტაციონარში მეთვალყურეობის ქვეშ — 237.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: