სუს-ის ანტიკორუფციულმა სააგენტომ ყალბი ატესტატებისა და დიპლომების დამზადება-გასაღების ბრალდებით 4 პირი დააკავა.

უწყების ცნობით, გამოძიებამ დაადგინა, რომ ორმა მოქალაქემ, გასაღების მიზნით ზოგიერთი სახელმწიფო უმაღლესი სასწავლებლის სხვადასხვა ფაკულტეტის ყალბი დიპლომები დაამზადეს, რომლებიც სხვა ორ პირზე თანხის სანაცვლოდ გაასაღეს.

ბრალდებულები არიან გარდაბნის მუნიციპალიტეტის გამგებლის წარმომადგენელი ვახტანგისის ადმინისტრაციულ ერთეულში ეთერ კ.; დავით გურამიშვილის საერთაშორისო სასწავლო უნივერსიტეტ იბერიას დირექტორი დავით ჩ. და ორი მოქალაქე: ფატიმა ჭ. და ზურაბ გ.

სუს-ის ინფორმაციით, აღნიშნულმა პირებმა ყალბი დიპლომებიდან ორი ეგზემპლარის სანაცვლოდ მოქალაქეს მოსთხოვეს და გამოართვეს 3500 აშშ დოლარი, რა დროსაც ისინი ბრალდებულების სახით დააკავეს. უწყების ცცნობით, ყალბი დიპლომები და გადაცემული თანხის ნაწილი 1500 აშშ დოლარი ამოღებულია ნივთმტკიცებად.

სახელმწიფო უსაფრთხოების სამსახურის ინფრომაციით, გამოძიება ყალბი დოკუმენტის დამზადება-გასაღების ფაქტზე მიმდინარეობს სსკ-ის 362-ე მუხლის 1-ლი ნაწილით, რაც სასჯელის სახით 3 წლამდე ვადით თავისუფლების აღკვეთას ითვალისწინებს.