პროკურატურის მიერ გამოქვეყნებული საქმიანობის ანგარიშის თანახმად, 2016 წლის 9 თვეში, დევნადაწყებული პირების 33% (61 პირი) საჯარო მოხელეა. მათი დიდი ნაწილი (79%) კი სამართალდამცავი ორგანოების (სპეციალური ოპერატიული დეპარტამენტის და კონსტიტუციური უსაფრთხოების დეპარტამენტის სხვადასხვა რგოლის ყოფილი მენეჯერები და ოფიცრები) თანამშრომელია.

როგორც პროკურატურა მიუთითებს, აღნიშნული პირების მიმართ სისხლისსამართლებრივი დევნა, მეტწილად, დაწყებულია 2012 წლამდე ჩადენილ ფაქტებზე.

საგამოძიებო ორგანოს მიერ შედგენილი სტატისტიკური მონაცემებით, 2016 წელს, 9 თვეში სისხლისსამართლებრივი დევნის დაწყების ყველაზე მაღალი მაჩვენებელი ფიქსირდება შემდეგ დანაშაულებზე, შემდეგი მუხლებით გათვალისწინებული დანაშაულის ჩამდენი პირების მიმართ:

  • თაღლითობა საქართველოს სსკ-ის 180-ე (25%),
  • სამსახურებრივი უფლებამოსილების გადამეტება 333-ე (20%),
  • მითვისება-გაფლანგვა 182-ე (7%),
  • 1პირადი ცხოვრების ამსახველი ინფორმაციის ან პერსონალური მონაცემების ხელყოფა, კერძო კომუნიკაციის საიდუმლოების დარღვევა 57-158-ე (4%),
  • უკანონო შემოსავლის ლეგალიზაცია 194-ე მუხლი(2%)