განახლება: საქართველოს მოქალაქეებსა და თანმხლებ პირებს, მკურნალობის მიზნით, თურქეთში შესასვლელად აღარ დასჭირდებათ მიზნობრივი (სამკურნალო) ვიზის აღება. თურქეთში საქართველოს საელჩოს ცნობით, თურქულმა მხარემ კიდევ ერთხელ გადახედა 2 ივნისის გადაწყვეტილებას, მიზნობრივი ვიზის აღების ვალდებულებაზე.

საქართველოს მოქალაქეებს თურქეთის რესპუბლიკაში სამედიცინო მომსახურების მისაღებად ვიზა დასჭირდებათ. ამის შესახებ ინფორმაციას თურქეთში საქართველოს საელჩო ავრცელებს.

"მოქალაქეებმა და მათმა თანხმლებმა პირებმა, თურქეთის საერთაშორისო სამედიცინო მომსახურების სააგენტოს — USHAŞ” მიერ გაცემული ნებართვის მიღების შემდეგ, საჭიროა, რომ აიღონ მიზნობრივი (სამკურნალო) ვიზა, რისთვისაც უნდა მიმართონ თბილისში თურქეთის რესპუბლიკის საელჩოს საკონსულო სამსახურს ან ბათუმში თურქეთის გენერალურ საკონსულოს", — წერია საელჩოს განცხადებაში.