"დაფიცებული გაქვთ ხატზე მემგონი, რომ თქვენ უფრო ბრძენები ხართ, როგორც ცუდი ძიძები და ხალხს ეუბნებით, რომ თქვენზე უკეთ ჩვენ დავხარჯავთ თქვენს ფულს, ასეთ გასაჭირშიც კი", — ასე შეაფასა ევროპული საქართველოს დეპუტატმა, გიგა ბოკერიამ მთავრობის გადადგმული ნაბიჯები ეკონომიკის მხარდასაჭერად. მან დაუსვა მთავრობას კითხვა, რატომ გონიათ თავი იმ მოქალაქეებზე უფრო ჭკვიანები, ვის ფულსაც ხარჯავენ.

"ესეთი გასაჭირი რომ დაატყდა ქვეყანას, თქვენ გამო არა, ეპიდემიის გამო, თქვენ მერე დაამატეთ მავნებლური ნაბიჯები, როცა გაუაზრებლად დახურეთ ეკონომიკა, დააგვიანეთ გახსნა და ახლა გადასახადებს არ ამცირებთ. ამ დროს არ უნდა შეუმსუბუქოთ ტვირთი ხალხს? რატომ არ გინდათ, რომ შეუმსბუუქოთ, რომ მეტი ფული დაუტოვოთ?

თქვენ რატომ გგონიათ რომ უკეთ იცით რაზე უნდა დაიხარჯოს ბიზნესში ფული, ვიდრე საბაზრო ეკონომიკამ და მოქალაქეებმა", — განაცხადა ბოკერიამ.

მანვე აღნიშნა, რომ მთავრობას არასწორი დამოკიდებულება აქვს საპენსიო ფონდთან დაკავშირებითაც და მათ ჰკითხა:

"თქვენ უფრო ჭკვიანები რატომ ხართ, ვიდრე ის ხალხი, ვინც უნდა წყვეტდეს, როდის დახარჯოს თავისი ფული?"