რუსეთის ჯანდაცვის სამინისტრომ გადაწყვიტა, რომ COVID-19-ის ინფიცირების სტატისტიკაში არ შეიყვანოს ის ადამიანები, ვისაც ჯანმრთელობის ჩივილები არ აქვთ. შესაბამისი რეკომენდაცია ჯანდაცვის სამინისტრომ უკვე გასცა.

"ჩივილების არარსებობის შემთხვევაში ვირუსის გამოვლენისას, ობიექტური და დამატებითი ინფორმაციით, ეს მდგომარეობა არ უნდა განიხილებოდეს, როგორც ვირუსის მატარებლობა და კოდირებული უნდა იყოს Z22.8-ის რუბრიკით. ასეთი შემთხვევები ინფიცირებისა და გარდაცვალების სტატისტიკაში არ შედის", — აღნიშნულია დოკუმენტში.

ინფიცირების მაჩვენებლით რუსეთი მსოფლიოში მესამე ქვეყანაა. რუსეთის ოფიციალური ინფორმაციით, ამ ეტაპისთვის სულ 370 ათასზე მეტი შემთხვევაა გამოვლენილი და 4 ათასამდე ადამიანია გარდაცვლილი. ყოველდღიურად კი საშუალოდ 8-9 ათასი ახალი შემთხვევა ვლინდება.