რუსეთის პრეზიდენტმა, ვლადიმერ პუტინმა საგარეო საქმეთა სამინისტროს ოფიციალური წარმომადგენელი, მარია ზახაროვა ღირსების ორდენით დააჯილდოვა. ამის შესახებ პრეზიდენტის 20 მაისის ბრძანებაშია ნათქვამი. დაჯილდოების ცერემონია არ გამართულა.

როგორც ბრძანებაშია აღნიშნული, ზახაროვას ორდენი "რუსეთის საგარეო პოლიტიკის კურსის რეალიზაციისთვის და კეთილსინდისიერი დიპლომატიური სამსახურისთვის" გადასცეს.

მარია ზახაროვა 2015 წლიდან რუსეთის საგარეო უწყების ოფიციალური წარმომადგენელია. სამი წლის წინ პუტინმა ის მეგობრობის ორდენით დააჯილდოვა.