კვირიკაშვილის წარდგენილ მინისტრთა კაბინეტს, ოთხმა კომიტეტმა დღეს მხარი დაუჭირა. ფარული კენჭისყრის შედეგები თბილისის პარლამენტში გამართულ სხდომაზე ცოტა ხნის წინ კომიტეტების თავჯდომარეებმა გამოაცხადეს.

იურიდიული საკითხთა კომიტეტის შედეგები. ფარულ კენჭისყრაში მონაწილეობა მიიღო 12-მა დეპუტატმა, 2 გახლავთ წინააღმდეგი, ხოლო 10 ხმა აქვს მთავრობას ნდობისთვის.

ადამიანის უფლებების დაცვისა და სამოქალაქო ინტეგრაციის კომიტეტიდან 11-მა დეპუტატმა მიიღო მონაწილეობა, მათგან 10-მა გამოუცხადა მინისტრთა კაბინეტს ნდობა, ხოლო ერთმა არა.

საპროცედურო საკითხთა და წესების კომიტეტიდან, სხდომას ესწრებოდა 10 წევრი, თუმცა კენჭისყრაში მონაწილეობა მიიღო მხოლოდ შვიდმა და შვიდივემ დაუჭირა მხარი გიორგი კვირიკაშვილის მიერ წარდგენილ მინისტრთა კაბინეტს.

თავდაცვისა და უშიშროების კომიტეტიდან, ახალ მთავრობას მხარი დაუჭირა 11-მა დეპუტატმა, ხოლო წინააღმდეგია 3 დეპუტატი.

სხდომაზე მიღებული დასკვნა დღეს ბიუროს წარედგინება.