გერმანელი ევროპარლამენტარი ვიოლა ფონ კრამონი აცხადებს, რომ გიგი უგულავასა და ირაკლი ოქრუაშვილის შეწყალება მნიშვნელოვანი და სწორი მიმართული გადამწყვეტი ნაბიჯია. ამის შესახებ მან TV პირველის ეთერში ისაუბრა.

"8 მარტი შემდეგ ჩვენ გვქონდა მოლოდინი, რა სახით და როგორ შესრულდებოდა ეს შეთანხმება, აქედან გამომდინარე ყველა ვფიქრობთ გასულ კვირებზე, იმაზე, რა აუცილებელი ნაბიჯები უნდა გადადგას საქართველოს ხელისუფლებამ. მე მგონია, რომ ეს იყო ძალიან მნიშვნელოვანი სიგნალი, ძალიან მნიშვნელოვანი ნაბიჯი", — აღნიშნა ევროპარლამენტარმა.

მისივე თქმით, ახლა ორივე მხარემ უნდა გადადგას შემხვედრი ნაბიჯები. გარდა ამისა, ევროპარლამენტარი აღნიშნავს, რომ ხელისუფლებამ უნდა გადადგას ქმედითი ნაბიჯი, რადგან საკონსტიტუციო ცვლილებების წარდგენის უფლებამოსილება აქვს სწორედ მმართველ პარტიას, სადაც აუცილებელია ოპოზიციის თანამშრომლობა.