თბილისის მერი, კახა კალაძე აცხადებს, რომ სალომე ზურაბიშვილის მიერ გიგი უგულავასა და ირაკლი ოქრუაშვილის შეწყალება გულდასაწყვეტი იყო.

თუმცა, მისივე თქმით, როგორც პოლიტიკოსს ამ გადაწყვეტილების ესმის.

"ჩემთვის ისევე, როგორც ნებისმიერი მოქალაქისთვის, გულდასაწყვეტი და არაპოპულარული გადაწყვეტილება იყო პრეზიდენტის მხრიდან. თუმცა, როგორც პოლიტიკოსს მესმის ამ გადაწყვეტილების, განმარტებები, რომლებიც იქნა გაკეთებული. კიდევ უფრო გამიმყარდა ჩემი რწმენა, ოპოზიცია მიმართული იყო მაქსიმალურად იმისკენ, რომ საარჩევნო სისტემის ცვლილება ვერ განხორციელებულიყო. ეს სერიოზულ ზიანს მოუტანდა ქვეყნის დემოკრატიულ განვითარებას. თუმცა მათ ეს არ გამოუვიდათ და დანარჩენს 2020 წლის საპარლამენტო არჩევნებზე ვაჩვენებთ ყველას", — განაცხადა კალაძემ.

ოქრუაშვილი და უგულავა პრეზიდენტმა სალომე ზურაბიშვილმა დღეს, 15 მაისს შეიწყალა.