ქართული ოცნების ერთ-ერთი ლიდერი, ირაკლი კობახიძის ფიქრობს, რომ უცხოელი პოლიტიკოსებისა და საერთაშორისო პარტნიორების მხრიდან კრიტიკის ტალღა "მაინც და მაინც დიდი არ იყო" და ამასაც გადააგორებდნენ. ამ თემაზე კობახიძემ სპეციალურ ბრიფინგზე ისაუბრა.

კობახიძის თქმით, ცალკეული პოლიტიკოსები 2012 წლის ოქტომბრიდან აკეთებდნენ განცხადებებს და გზავნიდნენ წერილებს "ე.წ. პოლიტპატიმრების" გათავისუფლების თაობაზე.

"ამას ხელი არ შეუშლია იმისთვის, რომ დღეს იმ რეჟიმის კონკრეტული ლიდერები სხედან ციხეში. გარდა ამისა, არაერთი ლიდერი, მიხეილ სააკაშვილის ჩათვლით, არის გაქცეული და მიმალული საქართველოდან და თავს აფარებს სხვა ქვეყანას. ეს არის რეალობა, ამ წერილებს ჩვენთვის ხელი არ შეუშლია 2012 წლიდან მოყოლებული და როგორმე ამ ტალღასაც გადავაგორებდით, ეს არ იყო მაინც და მაინც დიდი ტალღა როგორც ხედავთ", — თქვა ირაკლი კობახიძემ.

დეპუტატმა აღნიშნა, რომ ეჭვი არ ეპარებათ პრეზიდენტის კეთილ სურვილებსა და განზრახვაში, თუმცა პრინციპულად არ ეთანხმებიან, რომ "ორი კრიმინალის" ციხეში ყოფნა მათ ქვეყანას შიგნით თუ გარეთ რამე ტიპის პრობლემებს შეუქმნიდა.

გაიგეთ მეტი: