აშშ-ს არჩეული პრეზიდენტი დონალდ ტრამპი აცხადებს, რომ თეთრ სახლში მისი საქმიანობის პირველ დღეს, იგი ტრანსწყნარი ოკეანის პარტნიორობის სავაჭრო შეთანხმებას (TPP) შეწყვეტს. ამის შესახებ მან ვიდეო მიმართვაში განაცხადა, სადაც იმ მიზნების შესახებ საუბრობს, რასაც იანვარში იანუგურაციის შემდეგ განახორციელებს.

ტრამპის განცხადებით, აშშ-მა მოლაპარაკებები უნდა აწარმოოს "სამართლიან, ორმხრივ სავაჭრო შეთანხმებებზე, რომელიც შექმნის სამუშაო ადგილებს და ინდუსტრიას აშშ-ს სანაპიროებზე დააბრუნებს".

რას წარმოადგენს ტრანსწყნარი ოკეანის პარტნიორობის სავაჭრო შეთანხმება?

BBC-ის ინფორმაციით, ტრანსწყნარი ოკეანის სავაჭრო შეთანხმებას (TPP) 12 ქვეყანა აწერს ხელს და საერთო ჯამში მსოფლიო ეკონომიკის 40 პროცენტს მოიცავს. ქვეყნებმა მას 2015 წელს მოაწერეს ხელი, მათ შორის არიან: აშშ, იაპონია, მალაიზია, ავსტრალია, ახალი ზელანდია, კანადა და მექსიკა, თუმცა იგი ინდივიდუალურად, სახელმწიფოების მიერ ჯერ რატიფიცირებული არ არის.

შეთანხმების მიზანია გააღრმავოს ეკონომიკური ურთიერთობები და გაზარდოს მოგება, მათ შორის ტარიფის შემცირებით.

ოპონენტები აცხადებენ, რომ შეთანხმება საიდუმლოდ გაფორმდა და სარგებელს აძლევს დიდ კორპორაციებს.