საგანგებო სიტუაციების მართვის სამსახურის ინფორმაციით, დარიალის ხეობაში გზის სავალი ნაწილიდან თხევადი აირის გადამტანი ცარიელი სატვირთო ავტომობილი გადავარდა. უწყების განცხადებით, მაშველებმა დეფორმირებული კაბინიდან რუსეთის რესპუბლიკის მოქალაქე გამოიყვანეს.

"კაცს აღენიშნებოდა ქვედა კიდურების დაზიანებები და იმყოფებოდა კონტაქტურ მდგომარეობაში. დაშავებული სასწრაფო-სამედიცინო დახმარების ჯგუფების მიერ გადაყვანილია საავადმყოფოში და უტარდება შესაბამისი დახმარება", — აცხადებენ საგანგებოში.

მათივე თქმით, ადგილზე სახანძრო-სამაშველო ჯგუფებთან ერთად მუშაობდნენ საპატრულო პოლიციის თანამშრომლები.