მთავრობა მომდევნო 3 წლის განმავლობაში 1,2 მილიონი ჰექტარი მიწის სისტემურ რეგისტრაციას გეგმავს. ამის შესახებ დღეს, 10 მაისს სხდომის შემდეგ გახდა ცნობილი.

იუსტიციის მინისტრის, თეა წულუკიანის განმარტებით, მიწის სისტემური რეგისტრაციის 8-თვიანი პროექტი, ივლისიდან დაიწყება და თავდაპირველად რამდენიმე მთიან რეგიონში განხორციელდება. მისივე თქმით, მომავალი წლის დასაწყისიდან პროექტი გაფართოვდება და საქართველოს ყველა რეგიონს მოიცავს.

მთავრობის განცხადებით, მიწის სისტემური რეგისტრაციის პროექტის განხორციელებისას ქვეყნის გეოგრაფიული ტერიტორია კადასტრით სრულად უნდა დაიფაროს.