ევროპული საქართველოს წევრი, აკაკი ბობოხიძე ამბობს, რომ საქართველოს ხელისუფლებას "თუ პირდაპირ თავში არ დაარტყამ", ისე ვერ ხვდება მისგან რას ითხოვენ. ასე გამოეხმაურა ბობოხიძე ევროპარლამენტარის წერილზე მმართველი გუნდის საპასიხო რეაქციებს.

"არცერთი ჩვენი პარტნიორის განცხადებაში, სიტყვა პოლიტპატიმარი არ არის ნახსენები. არა იმიტომ, რომ ისინი ამას ასე არ თვლიან, უბრალოდ ამ სიტყვას დიპლომატიური ეტიკეტის გამო არ იყენებენ. ისინი ამ უხერხულ მდგომარეობაში არ აყენებენ საქართველოს ხელისუფლებას. ორიენტირებულები არიან შედეგებზე და ითხოვენ კონკრეტული პატიმრების გათავისუფლებას. სამწუხაროდ, ჩვენ გვყავს ხელისუფლება, რომელსაც თუ პირდაპირ თავში არ დაარტყამ, ისე ვერ ან არ ხვდება თუ რას ითხოვენ მისგან", — განუცხადა ბობოხიძემ რუსთავი 2-ს.

ევროპარლამენტარმა ანდრიუს კუბილიუსმა საქართველოს პრეზიდენტს, პრემიერმინისტრსა და პარლამენტის თავმჯდომარეს წერილით მიმართა. ის მოუწოდებს ხელისუფლებას ოპოზიციასთან 8 მარტს მიღებული შეთანხმება შეასრულოს.

კუბილიუსი წერილში გამოყოფს გიგი უგულავას, ირაკლი ოქრუაშვილისა და გიორგი რურუას საქმეებს და ამბობს, რომ მათი დაკავება კითხვის ნიშნის ქვეშ აყენებს მხარეების მიერ მიღწეულ შეთანხმებას.

"გლობალური პანდემიიდ გამო არაერთი გამოწვევის მიუხედავად, ევროპარლამენტარებს სჭირდებათ მკაფიო მტკიცებულება, რომ შეთანხმება შესრულდება. რომ მიღწეულია პროგრესი, რათა უზრუნველყოფილი იყოს აუცილებელი პირობები 2020 წლის არჩევნების თავისუფლად და სამართლიანად ჩასატარებლად", — წერს ანდრიუს კუბილიუსი.

საპასუხოდ პრემიერმინისტრმა, გიოგრგი გახარიამ განაცხადა, რომ საქართველოში პოლიტპატიმრები და პოლიტიკური მართლმსაჯულება არ არსებობს.

პარლამენტის პირველი ვიცე-სპიკერი, გია ვოლსკი ამბობს, რომ ერვოპალამენტარი, ანდრიუს კუბიულიუსი სააკაშვილის მოკავშირეა და მთავრობის მართლმსაჯულებაში ჩარევის პრაქტიკა მისი პერიოდიდან ახსოვს.