დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის, ამირან გამყრელიძის თქმით, საქართველოში კოვიდინფექცია ისეთი ინტენსივობით აღარ ცირკულირებს.

მისი თქმით, ქვეყანაში ყოველდღიური გამოჯანმრთელების რიცხვი აჭარბებს ყოველდღიური ინფიცირების რიცხვს და ზოგიერთი მაჩვენებელი გარკვეულად დამშვიდების საშუალებას იძლევა. როგორც გამყრელიძე ამბობს, ქობულეთის, ღვანკითის და კიდევ რამდენიმე კლასტერი დაიხურა.

"ასევე, როცა გაანალიზდა 3 თვის ზოგადი სიკვდილიანობის მაჩვენებელი და არა კოვიდით, ჭარბსიკვდილიანობა, რაც მაგალითად იტალიასა და დიდ ბრიტანეთშია, საქართველოში არ გვავქვს. მარნეულში, სადაც ძალიან ვფრთხილობდით დღეს, გუშინ და გუშინწინ 900-მდე ადამიანი გამოვიკვლიეთ. აქედან 670-ის პასუხი ვიცით და მარტო 1 ინფიცირებული აღმოჩნდა ამ 670-ში. ვთქვათ, იგივე ქობულეთის კლასტერი დავხურეთ, დაახლოებით 10 დღეა იქ აღარ გვაქვსვ ინფექცია, ასევე ღვანკითის, ასევე კიდე რამდენიმე. რასაც ვაკვირდებით, თითქოს ისეთი ინტენსიობით აღარ ცირკულირებს ინფექცია. რაც მთავარია, ეს ყველერი 4-ჯერ გაზრდილი ტესტირების ფონზეა", — განაცხადა გამყრელიძემ TV პირველის ეთერში.

საქართველოში კორონავირუსით ინფიცირებულთა რიცხვი 8-ით გაიზარდა და საერთოდ რაოდენობა 623 გახდა. მათ შორის 288 ადამიანი გამოჯანმრთელებულია, 10 გარდაიცვლილი.

ამდროისთვის კარანტინის რეჟიმში რჩება 4 723 ადამიანი, ხოლო სტაციონარში მეთვალყურეობის ქვეშ — 446 ადამიანი რჩება.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: