ამერიკის საზღვაო ძალების ერთ-ერთ წევრს, რომელიც თეთრ სახლში მუშაობდა, კორონავირუსი დაუდასტურდა. ამის შესახებ ინფორმაცია CNN-მა გაავრცელა. გამოცემა წერს, რომ ამ ფაქტმა პრეზიდენტის შესაძლო ინფიცირებაზე ეჭვები კიდევ უფრო გააძლიერა.

"ვალეტები", კამერდიენები არიან ელიტარული სამხედრო ნაწილის წევრები, რომლებიც თეთრ სახლში მუშაობენ და ხშირად პრეზიდენტთან და მის ოჯახთან საკმაოდ ახლო ურთიერთობა აქვთ. თეთრი სახლის პრესსპიკერის განცხადებით, დონალდ ტრამპის და ვიცე-პრეზიდენტის პასუხები კორონავირუსზე ნეგატიური იყო და ისინი თავს კარგად გრძნობენ.

ტრამპს, ვიცე-პრეზიდენტ მაიკ პენსსა და მაღალჩინოსნებს კორონავირუსზე ყოველკვირეული ტესტირება უტარდებათ. თეთრი სახლი აგრძელებს სწრაფი ტესტის გამოყენებას, რომელიც შედეგებს დაახლოებით 15 წუთში იძლევა.