უმრავლესობის ლიდერი, მამუკა მდინარაძე მიხეილ სააკაშვილის უკრაინაში ვიცე-პრემიერად აღარ დანიშვნის გამო უკრაინელ კოლეგებს მადლობას უხდის და ამბობს, რომ აწი რას იზამენ და სად დანიშნავენ არ იცის.

თუმცა, მდინარაძის თქმით, თუ სააკაშვილი მდივნის თანამდებობაზეც რომ დანიშნობ, ყავასც ვერ მოადუღებს.

"სხვადასხვა მიზეზების გამო მოხდა ისე, ფაქტი ისა არის, რომ რადაში მისი კანდიდატურის განხილვა რომელიმე პოლიტიკურ თანამდებობაზე და იმ თანამდებობაზე, რაზეც იყო საუბარი, არ მოხდა. ვერ დავიბრალებთ, მაგრამ ერთ-ერთი ფატქორი ჩვენიც იყო, როცა ვუთხარით, რომ კრიმინალის დანიშვნა არ შეიძლება მეგობარი ქვეყნის ხელისუფლებაში რომელიმე პოლიტიკურ თანამდებობაზე. ახლა თუ რაღაც, მრჩევლად, კონსულტანტად და მდივნად დანიშნავენ ეს უკვე ნამდვილად აღარ ვიცი. მდივნობისას შეიძლება ყავის მოდუღებაც არ გამოუვიდეს კარგად პიარშიკების გარეშე, ამას იყო ის მიჩვეული. რას იზამენ არ ვიცი, ისეთ თანამდებობაზე თუ იქნება საუბარი, რომელიც იგუგლება მაინც, მაშინ შეიძლება ჩვენ ჩვენი რეაქციებიც გვქონდეს", — განაცხადა მდინარაძემ.

22 აპრილს მიხეილ სააკაშვილმა განაცხადა, რომ უკრაინის პრეზიდენტმა ვოლოდიმირ ზელენსკიმ მას რეფორმების საკითხებში ვიცე-პრემიერის პოსტი შესთავაზა. ერთი კვირის შემდეგ კი რადაში ხალხის მსახურის ფრაქციის ლიდერმა, დავიდ არახამიამ განაცხადა, რომ სააკაშვილისთვის მუშაობის ახალი ფორმატი იპოვეს.

პეტრო პოროშენკოს პრეზიდენტობის დროს მიხეილ სააკაშვილი ოდესის გუბერნატორის პოსტს იკავებდა. თუმცა, მას შემდეგ, რაც სააკაშვილმა კორუფციაზე საუბარი დაიწყო, თანამდებობა დატოვა და ოპოზიციაში გადავიდა, პოროშენკოს განკარგულებით მოქალაქეობა ჩამოართვეს და მის წინააღმდეგ სისხლისსამართლებრივი დევნა დაიწყეს. პრეზიდენტის ბრძანებით, ის რეადმისიით პოლონეთში დააბრუნეს. საპრეზიდენტო არჩევნებში გამარჯვების შემდეგ, ვოლოდიმირ ზელენსკიმ სააკაშვილს მოქალაქეობა დაუბრუნა, რის შემდეგ ის უკრაინაში დაბრუნდა.

ამავე თემაზე:

6 მაისს Deutsche Welle-ს დაუდასტურა, საკააშვილს რომ ვიცე-პრემიერის ნაცვლად რეფორმების ეროვნულ საბჭოში ნიშნავენ. მანამდე უკრაინულ მედიაში ინფორმაცია ვრცელდებოდა, მას საბჭოს მდივნად ნიშნავდნენ.