საპატრულო პოლიციის ყოფილი უფროსს, დავით ცინარიძეს აღკვეთის ღონისძიების სახით პატიმრობა შეუფარდეს. მას ცოლის მიმართ ძალადობასა და მოკვლის მუქარაში ედება ბრალი. წინასასამართლო სხდომა 18 ივნისს გაიმართება.

გამოძიების მტკიცებით, 27 აპრილს ცინარიძემ ცოლს სიტყვიერი და ფიზიკური შეურაცხყოფა მიაყენა, იარაღის გამოყენებით დაემუქრა და ერთხელ გაისროლა კიდეც. ის მეორე დღეს დააკავეს.

დავით ცინარიძე 2015 წელს საპატრულო პოლიციის დეპარტამენტის უფროსის თანამდებობიდან გაათავისუფლეს და კადრების განყოფილებაში გადაიყვანეს. მანამდე ნაციონალურმა მოძრაობამ გაავრცელა ვიდეოკადრები, სადაც ჩანდა, რომ მოქალაქე ეკა ყუშიტაშვილი დავით ცინარიძის სახელის გამოყენებით პატრულზე ზეწოლას ცდილობდა. ამ ამბის შემდეგ ცინარიძემ სისტემაში მუშაობა გააგრძელა, თუმცა სხვა პოზიციაზე.