მეცხრე მოწვევის პარლამენტის პირველი სხდომის შესვენების დროს, საქართველოს პრემიერმინისტრის მოვალეობის შემსრულებელმა გიორგი კვირიკაშვილმა ჟურნალისტებს განუცხადა, რომ მნიშვნელოვანია ქვეყანაში სტაბილურობის განცდა არსებობდეს, რისთვისაც მისი პარტია ყველაფერს გააკეთებს და ძალადობას არ დაუშვებს:

"ვდებთ პირობას ჩვენი მხრივ, რომ ვიქნებით მაქსიმალურად კონსტრუქციულები, რა თქმა უნდა, ოპოზიციამ უნდა მისცეს საშუალება პოლიტიკურ პროცესს, რომ წარიმართოს სწორედ ასეთ კონსტრუქციულ ჭრილში. მნიშვნელოვანია ქვეყანაში შეიქმნას სტაბილურობის განცდა და პოლიტიკური პროცესი იყოს ნორმალურ კალაპოტში".

ცოტა ხნის წინ, კენჭისყრის შედეგად პარლამენტის თავმჯდომარე ირაკლი კობახიძე გახდა, დეპუტატებმა ასევე აირჩიეს პარლამენტის თავმჯდომარის მოადგილეები.