მსოფლიოს მოსახლების დიდი ნაწილი თვითიზოლაციაშია, რის გამოც ბევრმა ჩვენგანმა არ იცის, თუ რითი გაიყვანოს დრო. აი, იმავეს თქმა კი ნამდვილად გაუჭირდებათ ჰარი პოტერის ფანებს: მათ შანსი ეძლევათ, ამ ფილმების სერიის ყურებაში საკმაოდ კარგი ანაზღაურება გამოიმუშაონ.

საიტი EDsmart ამ ჯადოსნური სამყაროს ყველაზე გულმხურვალე ფანებს ეძებს, რომლებიც ჰარი პოტერის ფილმების სერიის 8 ნაწილსა და ჯადოსნური ცხოველების ორ ფილმს ნახავს. სანაცვლოდ კი ისინი 1 000 დოლარს მიიღებენ.

აი, ყველა იმ ფილმის ჩამონათვალი, რომელთა ნახვაც შერჩეულ კანდიდატებს მოუწევთ:

  • ჰარი პოტერი და ფილოსოფიური ქვა (2001)
  • ჰარი პოტერი და საიდუმლო ოთახი (2002)
  • ჰარი პოტერი და აზკაბანის ტყვე (2004)
  • ჰარი პოტერი და ცეცხლოვანი თასი (2005)
  • ჰარი პოტერი და ფენიქსის ორდენი (2007)
  • ჰარი პოტერი და ნახევარპრინცი (2009)
  • ჰარი პოტერი და სიკვდილის საჩუქრები: ნაწილი 1 (2010)
  • ჰარი პოტერი და სიკვდილის საჩუქრები: ნაწილი 2 (2011)
  • ჯადოსნური ცხოველები და სად ვიპოვოთ ისინი (2016)
  • ჯადოსნური ცხოველები: გრინდელვალდის დანაშაულებანი (2018)

ამ ყველა ფილმის სანახავად ზუსტად 25 საათი და 6 წუთია საჭირო, რაც იმას ნიშნავს, რომ საათში ანაზღაურება $41.50 გამოდის. ურიგო თანხა ნამდვილად არ არის, არა?

ფოტო: Warner Bros.

როგორც EDsmart-ის მიერ გამოქვეყნებულ ამ დასაქმების აპლიკაციაში ვკითხულობთ, კომპანია ხუთ მაგლს ეძებს, რომლებიც ჰარი პოტერის გულმხურვალე ფანები არიან.

წარმოიდგინეთ, ერთგულ მაყურებლებს შესაძლებლობა ეძლევათ საყვარელ საქმიანობაში ფული გამოიმუშაონ.

ფოტო: Warner Bros.

იმედია, იციან, რომ მაგლები ჯადოსნურ სამყაროში სამოგზაუროდ ისეც ძალიან ხშირად ვუყურებთ ამ ფილმებს, ყოველგვარი ჯილდოს გარეშე.

ფოტო: Warner Bros.

ერთგულ ფანობასთან ერთად, კომპანია რჩეულ კანდიდატებისგან ითხოვს, რომ უკვე სრულწლოვანები იყვნენ, სოციალურ მედიას აქტიურად იყენებდნენ და აშშ-ის მოქალაქეობა ჰქონდეთ.

თუ ამ მოთხოვნებს აკმაყოფილებთ, ისღა დაგრჩენიათ განაცხადი შეავსოთ და კარანტინში დაუვიწყარი დროის გატარებასთან ერთად სოლიდური თანხა გამოიმუშაოთ.

ფოტო: Warner Bros.