ნაციონალური მოძრაობის წევრი გიგი წერეთელი პრეზიდენტის გამოსვლას მეცხრე მოწვევის პარლამენტში On.ge-სთან საუბრისას დადებითად აფასებს:

"ძალიან საგულისხმო იყო პრეზიდენტის გამოსვლა და ის აქცენტები, რომლებიც მან გააკეთა, მთელ რიგ მიმართულებებზე, მან გამოხატა კიდევ ერთხელ სურვილი რომ კონსტრუქციულად იმუშავოს პარლამენტთან იმ საკითხებზე, რომლებიც არის ყველაზე უფრო საჭირბოროტო, როგორიცაა ეკონომიკური საკითხები, ადამიანის უფლებები, სასამართლო სისტემის რეფორმირება"

წერეთელი მიიჩნევს, რომ ქართული ოცნების საკონსტიტუციო უმრავლესობა საფრთხის შემცველია:

"იმ მოწყობის პარლამენტში, როდესაც მმართველ პარტიას აქვს საკონსტიტუციო უმრავლესობა და საშუალება, რომ აკონტროლოს რიგი პროცესები, მე ვფიქრობ, რომ ეს გარკვეულწილად საფრთხის შემცველია. და ამის ფონზე პრეზიდენტის მხრიდან მის ნათქვამ საკითხებზე ყურადღების გამახვილება მნიშვნელოვანი იყო".

წერეთელმა დასძინა, რომ ის ერთიანი ნაციონალური მოძრაობა პარლამენტში სერიოზულ ოპონირებას გაუწევს მმართველ პარტიას:

"ჩვენი ოპოზიციური პარტია პარლამენტში სერიოზულ და აქტიურ ოპონირებას აპირებს".

შეგახსენებთ, რომ ნაციონალური მოძრაობიდან პარლამენტში 27 დეპუტატი იქნება წარმოდგენილი.