დაავადებათა კონტროლის ცენტრის დირექტორის, ამირან გამყრელიძის თქმით, გაფართოვებული ტესტირების ფარგლებში, მაისის ბოლოს 3 000-მდე PCR ტესტირებას ჩაატარებენ. ამის შესახებ მან TV პირველის ეთერში გადაცემა რეაქციაში ისაუბრა. მისივე ცნობით, ამ დროისთვის საქართველოში 11 ლაბორატორიაა და მაისში კიდევ ხუთი დაემატება.

"ერთი კვირაა, სერიოზულად გავაფართოვეთ PCR ტექნოლოგიები. თუკი დღეში ვატარებდით 300-250-ს ტესტს, ახლა, ბოლო ერთი კვირაა 700-ის მაჩვენებელში ვართ. ალბათ, აპრილის ბოლოს ავალთ 1 000-ზე და, 1 500-ზე მაისის პირველ ნახევარში და შემდეგ 3 000-ზე. 2 500 არის ის მაჩვენებელი, რაც დღეს აქვს ავტრიას, გერმანიას, ბელგიას", — ამბობს გამყრელიძე.

გამყრელიძის ინფორმაციით, ამ წუთში 21 ათასი PCR ტესტია საქართველოში, ხოლო 29 აპრილის ღამესკიდევ 40 ათასი დაემატება ჩინეთიდან:

"გვაქვს გერმანული, ბრიტანული, ამერიკის CDC, სამხრეთ კორეული და ჩინეთის. ამაღამ ჩამოდის ჩარტერი ჩინეთიდან და ამ 20 ათასს 40 ათასი ტესტი დაემატება. მომავალი კვირის ბოლოს გვაქვს მოწოდება გერმანიიდან კიდევ 20 ათასი ტესტის".

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: