"იმდენი ბაქტერიოლოგი მღვდელი, რამდენიც საქართველოს ეკლესიაშია არსად სხვაგან არაა", — ასე ეხმაურება თეოლოგი და ყოფილი სასულიერო პირი ბასილ კობახიძე, ერთი კოვზით ზიარების შესახებ ქართველი მღვდლების პოზიციას. ამის შესახებ კობახიძემ ფეისბუქგვერდზე დაწერა.

მიუხედავად იმისა, რომ საპატრიარქო ერთი კოვზით ზიარების წელსს არ ცვლის, ეს საკითხი მუდმივი განხილვის საგანია. ჯანდაცვის სფეროსა და ეპიდემიოლოგების განცხადებების მიუხედავად, სასულიერო პირები ისევ ამტკიცებენ, რომ ერთი კოვზით ზიარება საფრთხის შემცველი არ არის და პირიქით, განკურნება შეუძლია.

ბოლო დღეებში ამ თემის განხილვის მიზეზი ჯანდაცვის მინისტრის, ეკატერინე ტიკარაძის განცხადება გახდა. მინისტრის აზრით, სამეცნიერო კვლოევაა საჭირო იმის დასადგენად, არის თუ არა საერთო კოვზით ზიარება ვირუსის გადამტანი.

ტიკარაძის აზრი არ გაიზიარეს ინფექციური საავადმყოფოს დირექტორმა და პრემიერ-მინისტრმა და კიდევ ერთხელ დაადასტურეს, რომ საერთო კოვზით ზიარება ინფექციის გავრცელების რისკს შეიცავს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: