პარლამენტის თავმჯდომარის, არჩილ თალაკვაძის განცხადებით, უკრაინის ვიცე-პრემიერად სააკაშვილის დანიშვნა გაუგებარი და მიუღებელი იქნება. მისი თქმით, მიუხედავად იმისა, რომ ქვეყნებს შორის წლებია კარგი ურთიერთობაა, ეს ნაბიჯი თანამშრომლობას დააზიანებს.

"მიუხედავად იმისა, რომ საქართველოს და უკრაინას შორის არის სტრატეგიული თანამშრომლობა და მეგობრული ურთიერთობები, რასაც ბევრი წლების განმავლობაში ჩვენს ხალხს და ხელისუფლებებს შორის თანამშრომლობა უძღოდა წინ, მიუხედავად ამისა, თუ ასეთი გადაწყვეტილება იქნება მიღებული ვფიქრობთ, ეს ძალიან დააზიანებს ჩვენს ქვეყნებს შორის არსებულ პოლიტიკურ თანამშრომლობას", — განაცხადა მან.

პრემიერმა გიორგი გახარიამ კი განაცხადა, რომ ძებნილი პოლიტიკოსის ვიცე-პრემიერად დანიშვნა, პატნიორი ქვეყნისგან კატეგორიულად მიუღებელია. ამასთან, გახარიამ აღნიშნა, რომ უკრაინელი ხალხი მოძმე ერია და მათთან სტრატეგიულ პარტნიორობას გრძელვადიან პერსპექტივაში ხელს ვერაფერი შეუშლის.

მისივე თქმით, სააკაშვილის ვიცე-პრემიერად დანიშვნას შესაბამისი რეაგირება მოჰყვება. მას, ასევე, აღნიშნა რომ უკრაინიდან ელჩი არ გამოუწვევიათ, მაგრამ თუ გადაწყვეტენ, ეს კონსულტაციებისთვის იქნება.