რესპუბლიკური პარტიის წვერი დავით ზურაბიშვილი ფეისბუქის საკუთარ გვერდზე საქართველოში არსებული ნარკოპოლიტიკის შესახებ წერს. იგი საქართველოში არსებულ მდგომარეობას თაობათაშორისი კონფლიქტს ადარებს და აღნიშნავს, რომ მისი მოგვარება დროის საკითხია:

"დეტალებსა და სიღრმეეში რომ არ წავიდეთ, ჩემის მოკრძალებული აზრით, ნარკოპოლიტიკის მიმართ დამოკიდებულება საქართველოში არის ერთგვარი თაობათაშორისი კონფლიქტი. კერძოდ, ახალგაზრდა თაობის აბსოლუტურ უმრავლესობას აბსურდამდე მისულ უსამართლობად ეჩვენება ის, რომ სახელმწიფომ ციხეში გაუშვას ან თუნდაც დააჯარიმოს რაღაცის მოწევის, დალევის თუ გადაყლაპვის გამო, მაშინ, როცა უფროს თაობაში ნარკოტიკის მოხმარება და კრიმინალი პრაქტიკულად არაცნობიერის დონეზეა გაიგივებული. ცხადია, უფროს თაობაშიც არიან სხვანაირად მოფიქრალნი და ახალგაზრდობაშიც, მაგრამ ტრენდის, ტენდენციის დონეზე ნამდვილად ასეა.

ჰოდა, რა მინდა გითხრათ, ჩემო თანათაობელ-თანაზასტოელ-თანაპოსტსაბჭოელნო და წისქვილის ქვა რომ არ დატრიალებულა ჩვენს თავზე, თორემ ყველა უბედურება რომ გამოვიარ-გამოვცადეთ, იმანნო: ეს ბრძოლა არის წაგებული, რადგან სივრცეში (აქ და ახლა) თუ უფროსი თაობის უპირატესობაა, დრო ყოველთვის ახალგაზრდობის სასარგებლოდ მუშაობს".