თელ-ავივის რაბინის მოედანზე 2 000-ზე მეტი მოქალაქე 2-მეტრიანი დისტანციის დაცვით შეიკრიბა. როგორც გამოცემა Haaretz წერს, აქციის მონაწილეები კორონავირუსის ფონზე ნეთანიაჰუს რეჟიმის გადაწყვეტილებებსა და დემოკრატიის შესუსტებას აპროტესტებდნენ.

"შავი დროშის" პროტესტი მარტში დაიწყო და პანდემიისას მიღებულ უმკაცრეს ზომებს ეწინააღმდეგება, რომელთა შორის ტელეფონების გამოყენებით მოქალაქეების გადაადგილების შემოწმებაც არის. პოლიციამ აქციის მონაწილეებს მოუნიშნა ადგილები, სადაც მათ დადგომა შეეძლოთ, ორგანიზატორებს კი დაევალათ, რომ შეკრებილები ნიღბებით მოემარაგებინათ.

როგორცTimes of Israel წერს, ერთ დროს მეტოქეები, ნეთანიაჰუ და ბენნი განტცი ამჟამად ერთობლივი მთავრობის ჩამოსაყალიბებლად მუშაობენ, იაირ ლაპიდმა კი, რომელიც წარსულში განტცის პარტიის წევრი იყო, ისინი ისრაელის დემოკრატიის განადგურებაში დაადანაშაულა.

"ისინი მთავრობაში მოსახვედრად იბრძვიან", — თქვა ლაპიდმა ტრიბუნიდან, — "საკუთარ თავს არწმუნებენ, რომ შიგნიდან შეცვლიან ყველაფერს, მაგრამ შიგნიდან ბრძოლა გამორიცხულია. შეუძლებელია, კორუფციას შიგნიდან ებრძოლო. თუ შიგნით ხარ, ესე იგი მისი ნაწილი ხარ".