ბევერლი უელინგი - აშშ-ის დასავლეთ ვირჯინიის შტატის ერთ-ერთი ქალაქის მერი მიშელ ობამაზე რასისტული კომენტარების სკანდალის გამო გადადგა. ინფორმაციას BBC ავრცელებს.

უელინგმა დაწერა, რომ ფეისბუკ პოსტმა, რომელშიც მიშელ ობამა მოხსენებული იყო როგორც "მაიმუნი ქუსლებზე", დღე გაუხალისა. მოგვიანებით კი დაწერა, რომ არჩევნების შედეგებს გულისხმობდა.

პეტიციას, რომელიც მერის გადადგომას მოითხოვდა 170 ათასმა ადამიანმა მოაწერა ხელი.

აღნიშნულ ქალაქში 491 ადამიანი ცხოვრობს და მას არ ჰყავს აფრიკელ-ამერიკელი რეზიდენტები.

პამელა რამსი ტეილორის პოსტი, რომელსაც უელინგი გამოეხმაურა ასეთი იყო:

"საოცარი იქნება ელეგანტური, ლამაზი და ღირსეული პირველი ლედის ყოლა. დავიღალე ამ ქუსლებზე შემდგარი მაიმუნის ყურებით."

"მთელი დღე გამიხალისა პემ" - უპასუხა უელინგმა.

მოგვიანებით ბევრლი უელინგმა მედიასთან განაცხადა, რომ თეთრ სახლში ცვლილებებს მიესალმება და ვინ იცნობს იცის, რომ რასისტი ნამდვილად არ არის.