საპარლამენტო უმრავლესობის წევრის, ნუკრი ქანთარიას თქმით, დღეს ქვეყანა "არნახული" განსაცდელის წინაშე დგას და მოსახლეობას სახლში დარჩენისკენ და შინ ლოცვისკენ მოუწოდებს.

"უხილავმა მტერმა დიდი ხანია შემოაღწია საქართველოში და აქამდე უჩვეულო ბაქტერიების ლეგიონები დაძრწიან ჩვენს ქვეყანაში. მაგრამ, რადგან ვერ ვხედავთ და ვერც მათი საომარი ყიჟინა გვესმის, დაინფიცირებულთა რიცხვიც სხვა ქვეყნებთან შედარებით გულის გასახეთქი არ არის, აშკარაა, ხიფათის შეგრძნებაც ნაკლებია; ნაკლებია იქამდე, სანამ ჩვენ ან ჩვენი ახლობლები სარეცელზე არ აღმოვჩნდებით. ეშმაკიც სწორედ აქ არის დაბუდებული. ნუ დავრჩებით ბედის ანაბარა. ნურც ჩვენ და ნურც სხვას გავხდით ეშმაკის კერძად", — წერს ქანთარია ფეისბუქში.