დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პრემიერ-მინისტრის პრესსპიკერი, ირაკლი ჩიქოვანი მოსახლეობას მოუწოდებს, რომ სახლიდან მხოლოდ უკიდურესი აუცილებლობის შემთხვევაში გავიდნენ.

მისი თქმით, Covid 19-ის ფართო გავრცელების თავიდან ასარიდებლად მნიშვნელოვანია, რომ ყველამ მაღალი საზოგადოებრივი პასუხისმგებლობა გამოიჩინოს.

"კიდევ ერთხელ, საქართველოს მთავრობის სახელით მინდა მოვუწოდო საქართველოს ყველა მოქალაქეს და ჩვენს ქვეყანაში მყოფ ყველა ადამიანს, რომ მხოლოდ და მხოლოდ უკიდურესი აუცილებლობის შემთხვევაში დავტოვოთ სახლები, დავრჩეთ სახლში და ამით დავიცვათ ჩვენი უსაფრთხოებაც და ჩვენი თანამოქალაქეების უსაფრთხოებაც", — განაცხადა ჩიქოვანმა

15 აპრილს ცნობილი გახდა, რომ საქართველოში კორონავირუსით კიდევ 6 ადამიანი დაინფიცირდა. საერთო ინფიცირებულებიდან გამოჯანმრთელებულია 69 პაციენტი, ხოლო გარდაცვლილია 3 ადამიანი. კარანტინის რეჟიმში 4 990 პირი რჩება, სტაციონარში მეთვალყურეობის ქვეშ კი 462 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: